2190/2022-2023

Aizawl, the 5th October : Vawiina Saron Branch YMA-in an Diamond Jubilee denchhena Aizawl East-II Badminton Tournament an siam chu Sports Minister Pu Robert Romawia Royte-in khuallian niin a hawng.

Sports Minister Pu Robert Romawia Royte chuan Saron Branch YMA-in kum 60 an tling ta chu a lawmpui tih sawiin, Aizawl East-II huap Badminton tournament an huaihawt chu an tihawm tak ti an ni a ti a. Mizoram Sorkar leh Tata Trusts tangkawpin Mizoram hmun 40-ah Badminton zirna mumal zawkin a kalpui dawn tih sawiin, Saron Veng chu Badminton zirna tha taka kalpui turin a fuih a ni. Saron Branch YMA Diamond Jubilee denchhenin Pu Roberta chuan Grant in Aid angin a MLA fund Rs 1,00,000/- a pe a, Saron Veng thlanmual thar leina atan Rs 20,00,000(Cheng nuai 20) ngaihtuahpui a tum thu a sawi bawk.

Saron YMA Hall-a a hawnna program hi Saron Branch YMA President Pu Lalrinmawia'n a kaihruai a, Veng chhunga NGOs aiawhte leh Saron Badminton Grassroot Centre-a zirlaite leh Competition-a tel turte an tel tha hle.

Attachment

  • Loading attachment...