Aizawl District Education Committee Vawi 30 na chu an Chairman Dr. Franklin Laltinkhuma IAS hovin vawiin hian DC Office Chamber ah an thu khawm.

He Committee hian 2015 -16 chhunga SSA Aizawl District in sum a hmuh tawh Rs.1251 lakhs a hman dan leh hmanna te a thlir ho a. Lungawi thlak hle in a hria a. 2015-16 chhunga sum hmuh beiseiah za zela 48.5 (%) chauh hmuh ala nih avangin programme leh thawh tur thenkhat thawh hmabak a la awm nual a ni.

Committee hian Mid Day Meal Programme endika vil dan tur a duang thar a. Endikna format hmangin school a Mid Day Meal kalpui dan hi District Education Committee Member-te leh Department hotute endik thin tur in a rel a ni.

Zirtirtu thawk lai mek te tuaitharna (training) fund tunhnaia dawn chu School kum tawp anih tan tawh avangin, Session thar atan dah a ni a. School Session tan leh veleh Primary leh Middle School Zirtirtute chu Zirlaibu thar leh zirtir dan turah training pek tum ani.

Innovation for Quality Improvement hnuaia programme pathum :

i) Padhe Bharat Badhe Bharat - Primary school naupangte ziak leh

ii) Rashtriya Avishkar Abhiyan – Middle School Naupangten Science

iii) Swaach Bharat, Swaach Vidyalaya – Clean School Movement

District Education Committee hian 2016-17 chhunga SSA Aizawl District tana Budget ruahman chhin Rs.2095 lakhs chu a thuphungin a pawm a. Amaherawhchu, he ruahmanna hian, State Level Appraisal Meeting, Finance Department leh Planning Department te approval a neih a la ngaih avangin budget ruahman chhin hi a la danglam leh rin a ni.

Chairman Dr.Franklin Laltinkhuma, 2012 atanga DEC Chairman lo ni tawh chu mawhphurhna dang chelh tura sawn anih dawn tak avangin Committee hian a kaihhruainaah lawmthu sawiin ngaihhruina thilpek an hlan.

Meeting hi dar 12:30 ah zawh a ni.