No.4317/2021-2022

Aizawl 17th March 2022: State Bank of India, Regional Office Aizawl, Mizoram chuan vawiin khan AVBD hnenah thisen pekna bungrua chi hrang an hlan a. Thilpek inhlanna inkhawmah Dr. ZR Thiamsanga MLA, Vice Chairman Health and Family Welfare Board  chu khuallian niin, an thilpek hrang hrang hrang hlan te hi Digital Blood pressure monitor 15, Weighing scale 10, Mattress 30, Bed sheet with pillow cover, plastic chair, Pillow 30 leh Steel Almirah avaiin Rs 251000.00  hu zet an hlan a ni.

Dr. ZR Thiamsanga chuan  SBI in Mizoram tan thil pek an hlan thu hriat tur a awm fo hian a tihlawm thu te, Mizoram in Covid 19 avang a hun harsa tak a tawh laia an CSR atanga Health Department kaihhnawih a an pek ringawt pawh hi a chhuanawm hle. Heng Covid 19 dona atana hmanraw pawimawh tak tak in pek avang hian nunna hlu tak tak chhanhima a awm thu te, vawiinah thisen pekna tur a hmanraw pawimawh chi hrang hrang an pe leh thei hi a ropui a tih thu a sawi a. Khuallian Dr ZR Thiamsanga chuan Thisen hi pe thei leh pe duh awm mahse, a pekna tur hmanrua a awm loh chuan pek theih a ni lova. SBI in thisen pekna hmanraw mamawh hria a  an pe thei hi an fakawm hle avangin SBI chu Nunna chhanhimtu nia a hriat thu te, Blood bank staff te inpeka thuk tak pawh fakawm a tih thu a sawi bawk. Khuallian chuan sawrkar pawhin Blood donation hi a ngai pawimawh em em a. A theih ang angin Blood Bank staff indaih lohna pawh a thuam chak zel a, a tul apiangah a puih zel tur thu a sawi bawk a ni.

SBI hian an CSR atangin Ventilator 15, Serchhip Dist Hospital ah Ambulance, ZMC ah Morque Van, Oxygen concentrator veng pali; Kulikawn, Kulikawn West, Zarkawt leh Sakawrtuichhun te tan, Lunglei, Lawngtlai,Siaha ah te PPE Kit 200 ṭheuh an pe tawh a, Mizoram Sawrkar ah Oxygen Concentrator pali, Health Minister ah PPE KIT 1000 an lo pe tawh bawk a ni. 

Pu LP Lalchangkima, Regional Manager, SBI pawhin hetiang SBI CSR kaltlang a thisen pekna hmanrua an hlan thei hi a lawmthu sawiin, blood donation lama CSR an la hman ngai loh thu leh tul hlea a hriat thu a sawi bawk.

He hun ah hian Dy Medical Superintendent Dr Thanchungnunga, SBI Regional Office hotute, AVBD  hruaitute leh Blood Bank Officer ten an tawiawm a ni.