741/2023-2024

Champhai, the 9th June, 2023: Mizoram State Legal Services Authority (SLSA) Member Secretary Pu Vanlalena chuan vawiin khan District Jail Champhai tlawhin Jail leh Jail tangte dinhmun a enfiah.

State Legal Services Authority Member Secretary Pu Vanlalena chuan Jail tangte chu Jail an awm laia thil tha zir chhuah tum tur leh Jail chu insiamthat nana hman tum turin a chah a. Sualna hrang hrangte do tlat turin a fuih nghal bawk.

Hemi puala program tawi buatsaih hi Champhai District Legal Services Authority (DLSA) Secretary Pu V.Vanlalhriata, CJM Champhai ni bawk chuan a kaihruai a. Addl. District & Sessions Judge Champhai Pi Sylvie Z.Ralte pawhin thu a sawi bawk.

He hunah hian Jail tangte ziak leh chhiar zirtir kawnga hmalak dante enfiah a ni a. Adult education kalpui a nih thu leh hemi kaltlang hian Jail tang mek leh chhuak tawhte zinga ziak leh chhiar thiam lo mi 30 chuangte'n ziak leh chhiar an thiam phah tawh thu tarlan a ni a. Court-in bail phalna a pek tawh bail-tu tur nei remchang lo emaw, chhan hrang hrang avangtea bail condition puitlin theih loh avanga la chhuak thei lote dinhmun enfiahin a ngaihven bawk a. Heng bakah hian Jail dinhmun leh tangte dinhmun a enfiah bawk.