740/2023-2024

Falkawn; the 9th June, 2023: Zoram Medical College chuan tukin chawhma dar 11:00 AM khan ZMC Academic Building-ah inkhawmna hun neiin Green Mizoram Day-2023 a hmang a. He hun hi Dr.Jane R Ralte-in a kai hruai a. Green Mizoram Day hi Prof.F.Lalnunmawia, Aizawl South-III Assembly Constituency bialtu MLA chuan a hmanpui a. Green Mizoram Day hmanaah hian ‘Thing Phun ila, i enkawl zui ang u’ tih chu thupui atan hman a ni.

Khuallian chuan kan ram ngawte an chereu nasat tawh zia a tarlang a. Ram ngaw chereu zel tur veng tura tan a ngaih zia a tarlang bawk a ni.

He hun hi ZMC-a thawktute, zirtirtu leh zirlai hruaitute’n an hmang a. Falkawn Village Council te pawh sawm an nih angin he hun hi an hmanpui bawk a ni. He inkhawmna hun hi Prof. Swati M.Patki, Dean chuan lawmthu sawiin a khar a ni.

Inkhawmna hun tawite hman zawh Environment, Forest & Climate Change Department ten thing tiak 70(sawmsarih) an pek chu Green Mizoram Day hmangtute hian ZMC ram chhungah hmun hrang hrangah an phun nghal a ni.