Vawiin khan Nehru Yuva Kendra Sangathan (NYKS), Mizoram Zone hnuaia State Advisory Committee on Youth Programmes chu an Chairman, Sports & Youth Services Minister Pu Zodintluanga hovin ama office chamber-ah an thukhawm.

Minister Pu Zodintluanga chuan NYKS hmalaknate hi tha taka kalpui chuan thalaite tan hmasawnna duhawm tak a thlen thei dawn a ni tiin, committee member-te pawh an department theuhvah tan la turin a chah a ni.

Meeting-ah hian NYKS Mizoram Zonal Director Pu S.R. Bishnoi atangin NYKS thil tum leh hnathawhte ngaihthlak ho a ni a. Kum 2014-2015 chhunga hmalakna tur hrang hrang – Regular Core Programmes & Special Programmes– te thlir hovin, heng an hmalaknaa Sorkar Department-te nena an thawhho theihna tur te sawiho a ni bawk.

Nehru Yuva Kendra Sangathan hi Sorkar laipuia Human Resource Development Ministry hnuaiah autonomous body-a kalin, thingtlang a thalaite themthiam thil leh hriatna pawimawh tak takte zirtir a, rampum a thalaite inkarah inpumkhatna a awm theih nana hmalakna pakhat a ni.