1418/2023-2024

India in lndependence kum 75 lawmna, 'Azadi Ka Amrit Mahotsav (AKAM) Programme' chu March ni 12, 2021 atang khan neih tan niin, kum 2 hnuah a kharna atan Meri Maati Mera Desh Programme hi India ram hmun tina neih tura ruahman a ni. Meri Maati Mera Desh campaign hi thingtlang khaw tin leh khawpui veng tina neih tur a ni a. August ni 9 ah State Level Launching Programme neih niin, he programme hi Dr. Lalrozama IAS, State Nodal Officer & Secretary, S&YS Deptt chuan kaihhruaiin Dr. Renu Sharma, Chief Secretary chu Khuallian a ni. Pu David L Pachuau, Jt. Secretary, SYS Dept in presentation a pe a. Khuallian, Dr. Renu Sharma Chief Secretary chuan he Meri Maati Mera Desh (Ka Leilung, Ka Ram) chu campaign pawimawh tak ram leh hnam inpumkhatna leh inlungrualna atana thil tih tul tak a ni tih sawiin, hemi atana theihtawp chhuah turin kalkhawmte a ngen a ni.

Meri Maati Mera Desh atan hian State Level ah Nodal Officer hi Dr. Lalrozama, Secretary SYS Deptt a ni a, Urban Level ah DC te niin Rural Level ah BDO te ruat an ni bawk. Program hi Urban (Khawpui veng tin) ah leh Rural (Thingtlang khawtinah) ni 9 atanga ni 15 August thla chhungin hetiang hian hman tur a ni:

1. Shilaphalakam- Lungphun: India ram zalenna atana sualtu nunna chante tan hriatrengna lung phun tur a ni a. Anmahni chenna khua/veng ah theuh an hming ziaka phun tur a ni.

2. Paanch Pran Pledge: Ram tana intiam thar lehna lak tur a ni.

3. Vasudha Vandhan: Thing tiak 75 khawtin leh veng tinah phun tur a ni a, thing tiak hi a ram mi ngei a ni tur a ni.

4. Veeron Ka Vandhan: Zalenna sualtu mi huaisen thi/la dam te, sipai leh police an duty laia nunna chante chawimawina hun hman tur a ni.

5. Flag Pawhparh leh National Anthem sak.

August ni 16 atanga ni 20 inkarah khaw tin veng tin atangin lei (mitti) hi lak khawm a, Block Hqrs ah ken khawm tur a ni a. Hei hi hlum belah dah khawmin India ram khawpui ber New Delhi ah ni 27&28 August ah Block tin aiawh thalai ten an keng thla ang a. Ni 29&30 ah Kartavya Path ah Ceremonial Program hi Ram Pum huapa siam leh a ni ang. State Sorkar pawhin August ni 16 -25 inkarah hetiang program hi a huai hawt ve ang.