2838/2024-2025

Dated Hnahthial, the 5th November, 2024: Vawiin khan Hnahthial DC Meeting Hall-ah Bawrhsap Pi Rita Lalnunmawii Pachuau kaihhruaiin State Level Mock Exercise neih tura inpuahchah dan tur relin thutkhawmna neih a ni.

Thutkhawmnaah hian leimin thlen thulha hmalak dan tur Mock Exercise chu November ni 14 a sawn a nih tak avangin a hma a thu lo rel tawh aia changtlung deuh zawka kalpui theih dan tur sawi hona neih a ni a. Thurel hmasa a hliam tuar lem chang tur (victims) pathum ve ve DRDO leh Chanmari YMA Branch atangin thawhchhuah ni se tih chu BDO lam atangin leh Chanmari YMA Branch atangin pakhat ve ve awm belh se ti a rel a ni a. Heng victims pali te tan hian triage color coding (hliam tuar nat dan azira rawng pek) pali - Green, Yellow, Red leh Black te chu pakhat theuhvin site pahnih a awm kim thei tura tih a ni. Hei bakah hian hliam tuar ni lo, chhiatna tawk lem chang tur mi 10 chu BDO lam atanga awm tura rel a ni bawk. Heng victims lem chang turte hi Mock Exercise neih hma ni, November ni 13-ah hian inhmukhawmna neih tura ruahmanna siam a ni.

Mock Exercise neihna hmun tur hi Site hnihah then niin Site 1 atan HDFA turf ground bul thlan niin Site 2 atan NH-54 to Nauhruaikawn inkara Chala thlan bul, Lungleng peng chu thlan a ni a. He Mock Exercise kalpui turah hian a pumpuiah Incident Commander atan Addl DC chu ruat niin Site 1 leh Site 2 Observer atan hian Govt. Hnahthial College atangin Assistant Professor pahnih, Dr. Samuel R. Vanlalruata leh Pu CS Vanlalkunga te chu ruat an ni a. Hei bakah hian Site 1 incident commander atan SI, Pu Lalnuntluanga leh Site 2 incident commander atan SI Pu Lalsangpuia te chu ruat an ni bawk a ni.

Mock Exercise atana minute to minute programme duan turin Sub Committee chu tun kar Nilai thawhtan hian thutkhawmna nei leh tura ruahmanna siam a ni.

Thutkhawmnaah hian Addl DC, Pu Zothanmawia Khiangte; Project Director, Pu HD Lalpekmawia; Addl SP Pu Beimosia Lapi; BDO Pu Hmingmawizuala; SDC, Pu R. Vanlalruata; DDMA members te; Hnahthial South-III VCP; YMA Sub HQ Asst. Secy leh QRT member aiawh te an tel a ni.