Vawiin khan State Level Nodal Agency (SLNA) chuan Integrated Watershed Management Programme (IWMP) hnathawh thlirhona hun hmangin, a vawikhatna atan DRDA Conference Hall-ah Half Yearly Review Meeting neih a ni a. Rural Development Commissioner Pu Lalrinliana Fanai chuan meeting hawnna hun hmangin, Pu V. Lalsangliana, CEO & Director, Rural Development chuan he hun hi a kaihruai a ni.

Pu Lalrinliana Fanai chuan IWMP hmalaknate chu tluang taka kalpui a nih theih nan thawktuten thahnemngai taka hna an kalpui a pawimawh thu a sawi a. Review meeting hlawkthlak tak an hman a beisei thu a sawi bawk.

Vawiin review meeting-ah hian District tina DWCDC Project Manager ten an hmalak tawhnate leh hna kalpui mek chungchangte report an pe a. Hmalak zel dan turte an sawiho bawk a ni. Tun dinhmunah hian Project 89 kalpui mek a ni a. Heng project-te hian 3,73,915 hectare a zau ram awhin, khaw 300 a huam a ni. IWMP hian a tum ber chu ruah tui ring a, huan leh lo enkawltute chhawmdawl leh ram bua tur ven a ni a. Mi harsa zawk leh hmeichhiate intun nun nana hmalak te, ram leilung chhe zel tur ven leh ramngaw siam a leilung luangral tur ven a, ruah tui dawn te tangkai zawka hman dan inzirtir a huam tel bawk a ni.