Nimin tlai khan MSLSA ten Dan leh Hraiinzirtirna kawnga mi tlawmngai thlanchhuah te tan training karkhat awh chu Youth Hostel, Luangmual; Aizawl ah a kharna hun hman a ni a. Law & Judicial Minister Pu Lalsawta’n hmanpuiin thuchah a sawi. He hunah hian Parliamentary Secretary Pu T.T. Zothansanga pawh a tel a ni.

Law & Judicial Minister Pu Lalsawta chuan hetiang ‘Dan leh Hrai’ zirtirna tura mitlawmngai - Para Legal Volunteers te hian Mizoram tan hna tangkai tak an thawk thei a, mipui mimir in a hlutna kan hriat phak loh Dan leh Hrai tangkai zia inhrilh hriatna kawngah heng mitlawmngai te hian mipui an zirtir dawn a, thubuai, hlabuai nei, chinchang hre si lo te chu heng mi te hian kawng kawh hmuhin an pui thin dawn a ni.

Training kharna huna thusawitu dang Parliamentary Secretary Pu T.T. Zothansanga chuan Dan leh Hrai lamah harsatna nei thingtlang hmun kilkhawr zawka awmte pawhin anmahni khawtual ngei ah tanpuitu tur hnai vai an nei thei dawn ta hi a vanneihthlak a, mipui te pawhin chhawrtangkai theuh tum se thil duh awm tak a ni ngei ang, a ti.