Vawiin khan Science Promotion Wing, SCERT huaihawt in State Level Science Drama Competition vawi 3na chu Chanmari YMA Hall-ah buatsaih a ni a. Kumin Drama Theme a tan hian Science & Society tih chu hman a ni a. Competition hi Pi Malsawmthangi Director, SCERT chuan khuallian niin a hmanpui.

He intihsiakna hi High School zirlai naupangte tan buatsaih niin, Govt. R.M High School, Govt. Chaltlang High School, St. Paul’s High School, Staines Memorial High School, Aghatosh High School te chu an tel a. Staines Memorial High School chuan pakhatna an la a. Best Actor lawmman chu Anthony Vansangpuia; Best Script lawmman chu V.L. Dinpuia, Govt. R.M. High School leh Best Director lawmman chu Irene Lalrinmawii, Staines Memorial School te hian an dawng a ni.

Drama Competition a pakhatna hian Mizoram aiawhin kumin July ni 25 a Kolkata a Birla Industrial & Technological Museum a neih tur Eastern India Science Competition ah an tel ang.