3257/2024-2025

AIZAWL; the 28^th November, 2024: Vawiin chawhma dar 11:00 khan Br. MSME Development & Facilitation Office, Aizawl leh Commerce & Industries Department, GoM tang kawp chuan ni 3 awh tur Exhibition-cum-Trade Fair AR lammualah a buatsaih a.  Pu F.Rodingliana, Hon’ble Minister of State, Department of Commerce & Industries , Power & Electricity and Printing & Stationary, GoM chuan khuallian niin Exhibition-cum-Fair Trade hi a hawng.  Pi Teresy Vanlahruai, Secretary, LAD leh Er.Lalhriatpuia, IAS, Deputy Commissioner, Aizawl te pawhin khualzahawm niin, thu sawina hun an hmang bawk.

Hawnna inkhawmah hian Pu Lokesh Parganiha,I.E.D.S deputy Director & HoO Br.MSME-DFO, Aizawl chuan chuan kalkhawm te lo lawmin, PM Vishwakarma Scheme Video thlirhona hun hman a ni.

Khuallian  Pu F.Rodingliana chuan thu sawina hun hmangin,  kum 22 chhung Industrial Policy kan nei a, a tih hlawhtling turin Budget-ah sawrkarin chang khat pawh a dah ngai lo. kan sawrkar atangin nuai tam tak kan dah a, kuminah pawh mi 45 in chu kan pawisa dah atangin Loan an la tawh a ni. Chu bakah in thil siamchhuah te man  manzawk leh tha zawkin  sawrkarin a hralh  theih nan Preferential Purchase Rules te pawh kan duang a, peih fel tep tawh a ni. Industry a thil pawimawh ber chu a Policy a ni, eng ang pawhin thawk mah i la, policy a that lo chuan a hlawhtlinna a awm tak tak thei lo. Tuna sawrkar chuan a ngaih pawimawh hmasak ber chu Policy hi a ni. Hun hmasa lama sawrkar te khan policy-a an lo telh loh pawimawh deuh chu Work shed hi a ni a. A in(work shed) sak nan hian sum tam tak kan seng thin si a. Tuna Mizoram Industrial Policy lo chhuak thar turah chuan telh  a ni tawh a, Work shed saknaah pawh sawrkarin a pui thei tawh dawn che u a, chu ringawt pawh chu hmasawnna duhawm tak a ni, a ti. Minister chuan PM Vishwakarma Scheme hnuaia  ni thum awh tur Exhibition-cum- Fair buatsaih theih a ni chu lawmawm a tih thu sawiin, a buatsaihtu officials te leh participant te duhsakna hlanin, Mizoram tan rah tha a chhuah ngei a beisei thu a sawi bawk.

PM Vishwakarma  Scheme in a tum ber chu thingtlang leh khawpuia kut themthiam ten an kut themthiamna hmanga eizawnna ngelnghet an neih theih nan training pek a, training zo tawh te chu honorarium ₹ 3000/- leh hmanraw leina tur ₹ 15000/- tanpuina pek te bakah  dahkham awm lo Loan cheng nuai ₹ 3/- thleng a lak dawn a ni. Basic training zo tawh te chuan cheng nuai ₹ 1 loan an la thei ang a, an rulh that a, advance training te an zawh leh chuan cheng  nuai ₹ 2  loan an puk leh thei dawn a ni. He Loan hian pung 5% chauh a nei a ni.

PM Vishwakarma Scheme hnuaia Trade 18-a beneficiaries te chu: Carpenters, Goldsmiths, Doll and Toy makers, Boat Makers, Potters, Fishing Net Makers, Bead Makers, Blacksmiths, Sculptors (stone carvers), Washermen, Masons, Cobblers/shoe artisans, barbers, tailors, locksmiths) (Weavers, weapon makers, hammer, Tool Kit makers and basket/mat/broom makers te an ni.

Vawiin Exhibition-cum Fair-ah hian district 9 atang participant awmin, stall 50 chuang hawn a ni a.An kut themthiam deh chhuah thil te pholan leh zawrh a ni.  Bank, National Small Industries Corporation, Khadi leh Village Industries Commission, Common Service Center (CSC), GeM, RDSDE etc.  ten stall hungin, an chanpual hnuaia schemes leh hamthatna awm zawng zawng te detailed information an pe chhuak a. PM Vishwakarma Scheme hnuaia la in register lo kut themthiam te tan Common Service Center (CSC) stall-ah an in register thei nghal a ni.

Pi Anusha Ghosh, Sr.Consultant National IMU Ministry of MSME  chuan PM Vishwakarma Scheme  hnuaia hmalak tawhna report pein,  Pi Pinky Zosangpuii, Jt.Secretary, ICT pawhin  MSME Cell hnuaia PM Vishwakarma Scheme  kalpui dan tur leh a scheme hrilfiahna hun a hmang bawk.

Pu Diwakar I.E.D.S, Asst.director, Br.MSME-DFO,Aizawl in lawmthu sawina in vawiin hun hi a khar ta a ni.