State Institute of Rural Development chuan vawiin khan Secretariat Conference Hall-ah State Level Workshop on Integrated Watershed Management Programme (IWMP) an buatsaih a. He workshop hawnna inkhawm hi Pi Lianhmingi Pachuau, Director, RD Department in kaihhruaiin, Pu Lalrinmawia Ralte, Parliamentary Secretary in workshop hi a hawng.

Hawnna inkhawma thu sawiin Pu Lalrinmawia chuan Project enkawltute hian an project an hrechiang tur a ni a ti a. Mahni project area leh a awmdan kipkawi hre chiang chunga hna thawh anih chuan ram hmelhmang tidanglamtu anih theih a rin thu a sawi bawk. Pu Lalrinmawia chuan project enkawltu tura lak, a bik takin WDT te chu mithiam zawk mah nise, mahni thuthmun atanga ti mai lova, a hmun ngei a kal chilh a hna thawk tura a beisei thu a sawi. Mizoram-ah Data dik lo a tam thu leh hmasawnna tura plan siam a tibuai thin thu a sawi bawk.

He workshop ah hian Mizoram hmun hrang hrang atangin Project Director, DRDA leh Line department hrang hranga District Officers, Project Implementing Agency (PIA) atana ruat mi 46 zet an tel a, District leh PIA level-a hnathawh hrang hrang an thlirlet nghal a ni.

Attachment

  • Loading attachment...