15th Mizoram State Official Taekwondo Championship chu May 22-25 2012 khian Hawla Indoor Stadium, Republic Vengthlang a, Republic Vengthlang leh Amateur Taekwondo Association General Hqrs. tangkawpin an buatsaih dawn a ni.

He Championship nghahna hmun tur HAWLA INDOOR STADIUM -ah May 17,2012 khan Republic Vengthlang Local Council huaihawtin tukin zingkar khan veng pum huap hnatlang neih a ni a, a hmun hma leh Stadium chhung leh a chhehvel thenfai leh phiahfai hnatlang an nei a hnatlang thawkchhuak an tha hle.Championship Organising Committee pawhin thiltih tul te tiin, an hnuaia Sub-Committee peng hrang hrang te pawhin theihtawp an chhuah mek zel a, a thlengtu tur Veng hian Tournament neih chhung zawngin Aizawl pawn atanga mikhual(Player etc.) lokalte Mizo inthlen danin an lo thleng/mikhual dawn a ni. Championship hi May 22, 2012 ah tan a ni dawn a, Chief Minister Pu Lal Thanhawla\'n chu khuallian tura beisei a ni a. A khar ni May 25,2012 ah Health Minister Pu Lalrinliana Sailo khuallian ni tura beisei a ni bawk. He Championship-ah hian Zoram dung leh vanga Taekwondo Player 500 vel zet fuankhawm tura beisei an ni; tin kum dang a la telh ngai loh - Sub Junior, Junior & Senior Team Champion-te tan Trophy siam a ni dawn a, Zoram hmun hrang hrang Taekwondo Players te a tam thei ang ber lo tel turin leh mipui a tam thei ang berin en turin kan in Organising committee chuan a ngen in a sawm a ni.