No.352/2020-2021
Tunhnaiah Assam leh Arunachal Pradesh-ah te Vawk pul hri a leng mek a. Hei vang hian Animal Husbandry & Veterinary Department chuan Mizoram chhungah Vawkvulhtute an lo inven lawk nan hriattur pawimawhte a hnuaia mi ang hian a ti chhuak.
1. Hmun dang/ramdang atangin vawk lak luh loh tur.
2. Vawk note lak thar chu in hranah kar 4 chhung tal dah hran a, natna a neih leh neihloh thlithlai reng tur.
3. Vawk chaw pek tur chu uluk taka chhum hmin vek tur.
4. Kan Vawk vulhte regular taka rulhut hlo, Minerals leh Vitamins pek thin tur.
5. Farm chhungah motor leh pawn lam mi luh tir loh tur.
6. Vawk in chu nitin 1% Formaldehyde emaw 2% Sodium Hydroxide (NaOH) emaw Phenol hmangin tihfai thin tur.
7. Farm chhung fai taka tih fai a, ran ek leh zun te then thianghlim thin tur.
8. Ran enkawltu in Ran in a thawmhnaw hak bik neih tur.
9. Ran damlo reng reng talh emaw hralh chhuah loh tur.
10. Ran damlo reng reng chu a dahna bik siam a an dam loh chhung chu dah hran tur.
11. Ran damlo chaw pekna hmanrua reng reng, a dam lai chaw pek nan hman loh tur.
12. Vawkvulh lai te an awmna hmun sawn kual fo loh tur.
13. Vawk te chu a inah khung reng tur a ni a, midang vawk, sanghal leh ran dang te nen tlat pawlh tir loh tur.
