2741/2026-2027

Dated Aizawl, the 19^th October, 2026: Vawiin chawhnu khan Chief Secretary Pu Khilli Ram Meena kaihhruaiin State Water and Sanitation Mission Apex Committee chu Chief Secretary Conference Hall, MINECO-ah kumin 2026-2027 atana an meeting tum thumna an nei. He meeting hi Sorkar laipuia Ministry of Jal Shakti aiawh officer in biakhmuhtheihna (Video conferencing) in a rawn chhim bawk a ni. He meeting-ah hian chhungkaw tin tana tui thinghlim in tur a awm theih nan a sorkar laipui scheme, Jal Jeevan Mission(JJM) hnuaia Mizoram-a hnathawh kal mekte leh JJM 2.0 hnuaia harsatna te sawiho a ni.

Jal Jeevan Mission Mizorama kalpui a nih tan atangin a thawh khatnaa scheme 852 (Rs. 1438.22 cr) chu kum 2024 khan a taka thawh zawh vek tawh a ni a. Amaherawhchu kum 2024-2025 inkar khan Sorkar laipui atanga sum engmah hmuh nihloh avangin financial progress hi 100% a la ni theilo a ni.  JJM thawh hnihna (JJM 2.0) atan erawh October ni 13, 2026 khan sanction hmuh a ni tawh. Sum kal dan turah JJM 1.0 leh JJM 2.0 ah danglamna a awm tawh thu sawi a ni a. Hemi chungchangah hian harsatna awm thei te tarlan niin, Sorkar laipui aiawhte chuan hma an lo lak tur thu an sawi.

Vawiin meeting-ah hian scheme lo kalpui hlawhtlin tawhnaah te thawmthat hna kalpui chungchang te ngaihtuah ni bawkin, District Water Sanitation Meeting report leh heng district committee hnuaia ruahtui khawl tura hmalakna pakhat, Jal Shanchay Jal Bhangidari Scheme (Catch the Rain) chungchang te sawiho a ni bawk.

State Water and Sanitation Mission Apex Committee ah hian Chief Secretary chu Chairman niin RD&A, H&FW, P&PID, School Education, IPRP&S leh Finance Department Secretary te bakah National Jal Jeevan Mission-a Mission Director te member an ni.