Zoram Research Foundation hnuaia Study Group on Forest Reservation & its Related Issues in Mizoram chu vawiin  khan an Chairman Pu S. L. Sailova, IAS (Retd.) kaihhruaiin an thukhawm a. Hetah hian Mizo (Transfer of Land) Act 1963 chungchangte, Inner Line Forest Reserve chungchangte, Transferable and Ownership of Rights chungchangte bakah Forest (Conservation) Act 1980 chungchangte an zir hova. Supreme Court-in ‘forest area/forest land’ a tih leh Mizoram sorkarin Supreme Court-a affidavit a lo thehluh pawh chik zawkin an zirho bawk. Study Group-ah hian Member-te chu Pu Rin Sanga, IAS (Retd.), Pu C. Thangliana, IFS (Retd.), Pu Andrew Lalherliana, Ex-MLA, Pu R. C. Thanga, Advocate, Pu Rochamliana, Gen. Secretary, zorf bakah Mizoram University zirtirtu thenkhatte an ni a. Hilda Lalrinpuii, Research Scholar, MZU chu Member Secretary a ni.