1885/2022-2023
Aizawl, the 12th September 2022 : Vawiin khan Agriculture Minister Pu C.Lalrinsanga hovin a office-ah Sub-Committee on Draft Mizoram River Protection Bill an thukhawm.

Sub-Committee on Draft Mizoram River Protection Chairman, Minister Pu Lalrinsanga chuan Mizoram chhunga lui leh luidung humhalh chu thil tih makmawh leh tun dinhmuna thil tul tak a ni a, sawrkar chuan theihtawp chhuahin draft bill buatsaih nan ngaihtuahna hrang hrang a vawmkhawm mek a ni a ti a. Irrigation and Water Resources Department kaltlangin National Hydrological Project hnuaiah Mizoram chhunga lui hrang hrang tui kan neih tam dan volume leh a luan chak dan te teh leh record mek a nih thu tarlangin, data collect na Centre pawh hmun hnih Aizawl leh Lunglei ah a awm thu a sawi a. Heng data en hian leichhunga tui in re-charge zat a hriattheih vek a, chungte ngaihtuah chuan kan ram lui humhalh hi a tul tak zet a ni a ti a. Vawiin meeting hi a hmawr hawnna chauh a ni a, tul ang leh tihtur tam tak a la awm tih a sawi bawk a ni.

He Sub-Committee Secretary hi PHE Secretary a ni a, Department hrang hrang aiawh bakah CYMA aiawhin Prof. Lalnuntluanga leh midangte an tel a ni.