2793/2023-2024

16^th November, 2023: Dawrpui Vengthar Local Council General Seat pakhat (1) ruak hnawhkhah nan Bye-Election neih tur a ni a. Hemi inthlanna atan a hman tur Local Council Electoral Roll Summary Revision, 2023 tehfungah 01.10.2023 hmangin neih a ni dawn a, Draft Electoral Rolls chu vawiin  khan Aizawl DC Pi Nazuk Kumar chuan DC Conference Hall ah mipui te en theih turin a tlangzarh. Bye-Election neih hun tur hi State Election Commission, Mizoram in a la ruat ang.

Aizawl Bawrhsap Pi Nazuk Kumar chuan Local Council E/Roll hi MLA Roll nen a hranpa a buatsaih a nih avangin hemi a inthun thar, insawn (transfer) leh siamthat (correct) te chu MLA Roll atan a rin nghal theih loh thu a sawi a. Summary Revision of Dawrpui Vengthar Local Council Electoral Rolls, 2023 hi tluang tak leh hlawhtling taka neih theih nan bialtu MERO, AMERO, Local Council, Political Parties, Tlawmngai Pawl hrang hrangte leh Media te hma min lakpui tur leh tawiawmna a sawm a. DC hian party aiawhte leh BLO te hnenah Draft Electoral Roll hi a hlan hlawm a ni.

Aizawl District huam chhunga Dawrpui Vengthar Local Council Electoral Roll chu vawiin 16.11.2023 atangin 24.11.2023 thleng Electoral Roll atanga paih, thun thar, siamthat ngai leh insawn duhte tan dilna (claims and objections) LLO hnenah thehluhna hun hawn a ni ang.

Ni 17.11.2023 24.11.2023 chhunga dilna lut chu 25.11.2023 - 12.12.2023 chhungin MERO/AMERO ten an endik ang a. Hetianga an enfiah zawh hnu hian MERO ten thutlukna an siam fel hnuah hming thunluh ngai, paih ngai leh siamthat ngaite chu thliar hran leh a ni ang a, hemi hnu hian Data entry (Computer-a thunluh hna) thawh zui nghal char char a ni ang. Ni 13.12.2023 ah Final Roll tlangzarh a ni ang.

Dawrpui Vengthar Local Council Draft Electoral Rolls-a Elector awmzat chu a vaiin 3027 (mipa 1365 leh hmeichhia 1662) a ni.

Vawiin meeting ah hian Election Officer, Municipal Electoral Registration Officer (MERO), Assistant Municipal Electoral Registration Officer (AMERO), DIPRO leh Dy. SP te an tel bawk a ni.