1552/2023-2024

Aizawl 17th August, 2023 : Aizawl District huam chhunga Ramhlun South Local Council leh Mauchar Village Council Electoral Rolls chu vawiin khan mipuite en theih turin Pi Nazuk Kumar IAS, Aizawl District Bawrhsap chuan a tlangzarh.

Bye-Election neih a tul nachhan hi Ramhlun South Local Council thiah anih vang leh Mauchar Village Council Member pakhat thi an awm vang niin Ramhlun South LC -ah Seat 7 (5 General leh 2 Reserve) leh Mauchar Village Council-a hmunruak seat -1 te hi hnawhkhah tur a ni.

Draft Electoral Rolls tarchhuah takah hian Ramhlun South - I, Ramhlun South - II, Ramhlun South - III leh Ramhlun South - IV polling station-ah Vote nei mipa 2148 leh hmeichhia 2531 an vaiin voters 4679 an awm a. Mauchar VC -ah mipa 367 leh hmeichhia 357 an vaiin vote nei mi 724 an awm a ni.

Draft Roll tarchhuah anih atanga Ni 23.08.2023 thleng Electoral Roll atanga paih, thun thar, siamthat ngai leh insawn duhte tan dilna (claims and objections) LLO/VLO hnenah thehluhna hun hawn a ni ang a. Dilna lutte hi Ni 24.08.2023 - 29.08.2023 chhungin MERO/AMERO/ERO/AERO te'n an endik dawn a. Ni 30.08.2023-ah Electoral Roll Final Publication neih a ni ang. Local/Village Council E/Roll hi MLA Roll nen a hranpa a buatsaih a ni a. Hemi a inthun thar, insawn (transfer) leh siamthat (correct) te hi MLA Roll atan rin nghal theih a ni lo ang.

He hunah hian Political Party aiawh, tlawmngai pawl aiawh leh Election Officials te telin tlangzarh tak Roll Copy hi Political Party hrang hrangte hnenah hlan nghal a ni bawk.