Nimin chawhnu khan Secretariat Conference Hall-ah  Food, Civil Supplies and Consumer Affairs enkawltu Minister of State, Pu K. Lalrinliana hovin Department hotute, Gas Agency aiawhte leh Pilot Project kalpui mek khawtlang hruaituten Supply Department bultuma veng thenkhata eirawngbawlna gas, a hmangtute inah dahsak, LPG Home Delivery Pilot Project kalpui mek chungchang an thlir let.

Meeting ah hian Pilot Project kalpui mek Local Council atangtein an kalpui dan te ngaihthlak niin harsatna an tawh mek te chu sawilan a ni. Meeting chuan harsatna hrang hrang awm mahse Home Delivery Pilot Project kalpui chhunzawm an rel. Changtlung zawka Home Delivery kalpui ani theih dan kawngte sawiho niin veng thenkhat, Home Delivery Pilot Project ah telh si la kalpui lo te chu kalpui turah ngen leh nise tih leh mumal taka booking tih dan chungchanga inhrihriatna awareness a zau thei berah puanzar nise tih te an rel a ni.