2138/2024-2025

19th September, 2024 : Vawiin khan Supply Minister Pu B. Lalchhanzova chuan Kawnpui daia kawng bal avanga nitin mamawh (essential commodities) tangkhangte phurh luh dan ngaihtuahin Kawnpui daia harsatna thlenna hmun a tlawh a. Mipuite nitin mamawh mumal taka phurh tlang a nih theih nan Kawnpui Police Station-ah khawtlang hruaitute leh Pu Lalduhthlanga, EE, PWD bakah Kolasib District Truck Owners' Association ten nen sawiho a ni.

Supply Minister Pu B. Lalchhanzova chuan chatlaklova nitin mamawh phurh luh a nih zel theih nan sawrkarin hma a lak zel thu sawiin mipuite chu chiai mai lo turin a chah. Sawrkarin a ṭul ang zelin ruahmanna a siam dawn a ni a ti.

Supply Minister hi Pu Zadailova, Joint Director, FCS&CA leh DCSO, Kolasib ten an tawiawm a ni.