2688/2025-2026

Aizawl, 16th December, 2025 : Mizoram Consumers’ Union Headquarters buatsaihin vawiin khan Central Hall, Venghluiah 28th Annual General Meeting-cum-Consumer Awareness Campaign neih a ni a, FCS&CA Minister Pu B. Lalchhanzova’n khuallian niin a hmanpui. He hun hmang tur hian district hrang hrang aṭangin palai an kalkhawm a ni.

28th Annual General Meeting-cum-Consumer Awareness Campaign hi hun thumah then niin hun khatnaah hian FCS&CA Minister Pu B. Lalchhanzova leh FCS&CA Director Pi Saizikpuii ten an hmanpui a ni.

Khuallian chuan he hunah hian thuchah sawiin Consumers’ Union hmalakna hi phungthlu taka hlenchhuah chi a ni lova, hawihhawm tak chunga thil ti diklo te hremna pek ngam a tula, kan hnathawh hlutna hi mual eng kil phalo, sawi saktu nei ve lo ten a parzu an chhim pha tur a ni a ti a. Cosumers ten an chanvo diktak an chan thatna hmun zoram din tum tura palai kalkhawmte fuihin, kan hnathawh kan hlenchhuah hian Pathian rawng kan bawl a ni tih i hre thuah ang u a ti a. Minister chuan mitin ten thil diklo hi ngawihbopui lo ila, thil diklo ngawihbopui chin hi midawihzep te awmdan a ni a, mihuaisen leh hawihhawm te chuan thil diklo hi an hmachhawn ngam thin a ti bawk.

Hun hnihna ah hian Pu H. Lalbiakpuia, General secretary, Mizoram Consumers’ Union Headquarters buatsaih “Consumer Awareness on Telecommunication” leh Pu Thanglura, President, Mizoram Consumers’ Union Headquarters buatsaih “Awareness on Consumer Protection Act and Liquefied Petroleum Gas (LPG)” an zirho a, hun thumnaah an President Pu thanglura kaihhruaiin ro an rel a ni.