2301/2024-2025

Aizawl 30th September, 2024 : Pu B. Lalchhanzova, Food Civils & Supplies & Consumer Affairs Minister chuan vawiin khan Tavern Lodge, Chaltlang-ah Rastriya Poshan Maah (National Nutrition Month) 2024 kharna hun a hmang.

Khuallian Supply Minister chuan Women and Child Department (WCD) chu a Department chan ni lo mahse tunhma atanga a lo hmelhriat tawh thin leh a lo tel tamna a nih thu sawiin Rashtriya Poshan Maah 2024 closing function hmanna-a khuallian a ni thei chu lawmawm a tih thu a sawi a. Naupangte chu nakin lawka kan ram hruaitu turte an ni a, kumtluana naupangte mamawh chaw tha pek chu naupangte kan hmangaihna kan lantir theihna leh an thinlung thuk taka kan hneh theihna a nih thu a sawi. Anganwadi te chu a bik taka naupang harsa zawkte tana innghahna a nih thu sawiin he scheme tihhlawhtlin kawnga hmalatu leh thawktu zawng zawngte chu theihtawpchhuah a, naupangte thanlenna kawnga puitu ni zel turin a chah a ni.

Naupangte chu an tuina leh an kalna tur awma kaihruaitu ni zel tura chahin department hrang hrangte a bik takin Health, PHE, P&E leh Aayush te he scheme tihhlawhtlin zelna tur atana thawhhona tha nei turin a ngen bawk a ni.

He hunah hian Pi Zoramthangi Chhangte, Director WCD-in Mission Saksham Anganwadi & Poshan 2.0 chungchang a sawifiah a. Saksham AWC ni tur chuan Anganwadi-ah tui connection a awm tur a ni. (R.O.water filter vuah anih theih nan), Electric Connection a awm tur a ni. (R.O.filter leh LED TV vuah anih theih nan), Naupangte infiamna tur classroom zau tawk tak a awm tur a ni. (ECCE tha taka kalpui anih theih nan), Chuktuah huan (Nutri-Garden) a awm tur a ni. Tuizem lian hunna tur an nei tur a ni (Rain Water Harvesting atan) tiin Pi Sailopari, Dy. Director, WCD chuan Poshan Maah hman dan hrang hrang report, a lem nena entirin hlawhtling taka Mizoram puma hman a nih thu a sawi.

He programme-ah hian Poshan Abhiyaan hnuaia hmalakna Saksham Anganwadi & Poshan 2.0 short Film tlangzarhna hun Pu B. Lalchhanzova Minister-in a hmang a. He film hi Mizo mipui zawng zawngin an thlir theih tura chhawpchhuah tur a ni a. A hmunah hian enhona neih a ni bawk.

Women & Child Development-in kumtin an hman thin Rashtriya Poshan Maah hi a hawnna hun WCD Office, Tuikhuahtlang, Aizawl-ah Ni 2, September khan neih a ni tawh a. Tun tuma Poshan Maah hman hi a tum 7-na a ni.

ICDS hi Mizoram-ah Kum 1979 atanga din tan niin heng - chaw tha pek belh, hri danna pek, nute'n an fate an enkawl thiam theih nana zirtirna pek, thiam bul tanna ECCE (Early Childhood Care and Education), khawtlang mipuite nena thawhho leh mithiam zawkte hnena naupang dam lo refer te hi an hnathawh ber a ni.

Poshan Maah kharna hunah hian Pi Zonunpari Sailo, Jt. Director, WCD chuan lawmthu a sawi a. Health Department, Aayush, Khawtlang hruaitute, ICDS Officials te bakah sawmbikte an tel a ni.