2887/2022-2023 

Aizawl 30th November 2022: Vawiin khan Pu K Lalrinliana, Minister FCS&CA chuan Vanbawng Supply centre a, Supply Godown sak te Staff quarter sak thar te leh thil dang a hawng. He Godown sak tharah hian buhfai 250 MT a leng a ni.

Hetah hian Minister Pu Rintea chuan thu sawiin Mizoram chu kan ei ber buhfaiah kan intodelh lo hle tih a sawi a. Thalai te leh Mipui te ei leh bara kan ram kan intodelh theih nan taima taka kan ngaihtuahna kan sen a, hna kan thawh a tul a ti a. Mizoramah kan tual to hnim hnah leh thlai te chaw atana hman theih tur kan la hmuh chhuah loh te pawh a la tam a rin thu a sawi bawk a ni. Sawrkar Flagship programme SEDP pawhin a tum ber chu kawng hrang hranga ram hmasawnna leh intodelhna a ni tih a sawi.