2888/2022-2023 

Aizawl 30th November 2022: Zankhat riaka Mizoram rawn tlawhtu Union Minister of State Pu Kaushal Kishore chuan vawiin tlai khan Governor Pu Hari Babu Kambhampati nen inkawmna hun a nei.

Governor chuan Union Minister in Mizoram a lo tlawh chu lawmthu sawiin thil hrang hranga Mizoram dinhmun te a hrilhfiah a. Mizoram chhunga Ministry of Housing and Urban Affairs hnuaia hnathawh mek te leh heng hmasawnna hnathawh kawnga harsatna hrang hrang awm te an sawi dun a ni. Union Minister Pu Kaushal Kishore chuan Governor chu Lawngtlai a tlawh thu leh vawiin tlaia Deputy Chief Minister Pu Tawnluia hova Urban Development & Poverty Alleviation, Aizawl Municipal Corporation, SIPMIU leh Aizawl Smart City Limited hotute nena meeting an neih chanchin te a hrilh a. Sawrkar hotute leh tlawmngai pawl hruaitu ten ram leh khawtlang mamawh an thlen te chu tihhlawhtlin ngei a nih theih nan theihtawp a chhuah tur thu Govenor hi a hrilh a ni.

Union Minister hian naktuk hian Aizawl chhuahsanin Delhi a pan ang.