Kolasib District Swachh Bharat Mission (Gramin) hnuaia thingtlang khawtina thianghlimna kalpui chhunzawm zel anih theih nan leh mi te fuihphurtu leh zirtirtur ‘Motivators’ te tan vawiin khan DC Conference Hall, Kolasib-ah inzirtirna hun buatsaih a ni a, District Bawrhsap Dr.Arun T., IAS in a hmanpui.

District Bawrhsap chuan thianghlimna chuan hriselna a keng tel tih hria in, zirtirna pe chhawng tur te thahnemngai taka zirtirna kalpui turin a fuih a ni.

Kolasib District hi Open Defecation Free (ODF) a puan a ni tawh a, khawtinah pawna inthiar an awmloh chhunzawm zel theih nan helam kawnga inzirtirna kalpui zel tum a ni a. Hemi atan hian khawtinah mi pahnih zel mahni khua theuh a zirtirna pe turin  buatsaih an ni a, an hmalak dan tur te vawiin hian hrilhriat an ni a.

Vawiin training programme hi Er.Lallianmawia, Member Secy DSBM(G)/ Sr.EE in a kaihruai a, Pu Malsawmtluanga, Co.ordinator, SBM(G)/ SDO Rural WATSON Sub-Division leh Pu T.Pahlira, Sr. Chemist, District Laboratory PHE Department, Kolasib te’n zirtirna an pe a ni.