India rama Mission kalpui mek Swachh Bharat Mission (Urban) a faina lama thawk tha NGO te hriatpuina Felicitation Programme New Delhi, India Gate a dt. 12.12.2015 a neih ah Mizoram atangin Central YMA, Central YLA leh MTP ten Mizoram aiawhin faina lama an hnathawh that avangin lawmman an dawng a. He lawmman hi pawl aiawhin heng a hnuai ami te hian an dawng:

1. Pu Lalhmachhuana, General Secretary, Central YMA

2. Pu V. Vanhnuaithanga, President, Central YLA

3. Pu T. Chatlua, President, MTP General Headquarter

Lawmman dawng turte kalna man leh senso hi UD & PA Department, Govt. of Mizoram chuan a tum sak a ni. Vawiin chawhnu dar 1 khan Pu Zorammuana, Director, UD & PA hovin NGO te hian a office chamber-ah lawmna thingpui an in ho a ni.

UD & PA chuan Swachh Bharat Mission (Urban) kalpui zel na turah pawh heng NGO te hi an thawhho pui dawn a ni.