2065/2023-2024

29.09.2023 : Vawiin khan Mizoram Pollution Control Board chuan sawrkar laipui hnuaia Swachhata Hi Seva pualin Faina Hnatlang an nei a, nilengin MPCB-a thawk zawng zawngte hi an hnatlang a ni.

He hnatlangah hian hmun thumah inthenin Tuikual Luia bawlhhlawhte an chhar fai bakah MINECO huam chhunga kawng dung leh luikawra bawlhhlawh awmte an chhar fai a, chawhnu lamah MPCB office chhung leh a chheh vela bawlhhlawhte chhar khawmin an sam fai nghal bawk a ni.

He Faina Hnatlang-ah hian District danga MPCB Site Office-a thawktute pawhin an awmna huam chhungah hnatlang hi lo buatsaih ve bawkin bawlhhlawh an lo chhar khawm ve bawk a ni.