No.2218/2021-2022
Aizawl, 15th September, 2021 : Kum 1971 Indo-Pakistan War-a India in hnehna a chan kum 50-na lawmna “Swarnim Vijay Varsh” kal mekah tukin zing khan Headquarters 23 Sector Assam Rifles leh Headquarters IGAR(East) bul tumin Aizawl Battalion chuan Aizawl Lammual-ah leh Mizoram hmun hrang hrang ah te Mini Marathon intlansiak an buatsaih a. Power & Electicity Minister Pu R.Lalzirliana chu Khuallian niin Mini Marathon hi Lammual-ah a vailiam a ni.

Pu Zira chuan kum 1971 Indo-Pakistan Wara India in hnehna a chan kum 50 na Golden Jubillee lawmna ah Indian Army te chu lawmpuina thu sawiin he indonaa ram tana an nunna hlantu martar sipai te chu zahna chibai a buk a. Taksa leh rilru hrisel na atan insawizawi pawimawh zia sawiin Pu Zira chuan Swarnim Vijay Varsh puala Assam Rifles ten Mini Marathon leh programme dangte hlawhtling taka an buatsaih chu lawmawm a tih thu a sawi a ni.

Tukin zinga Mini Marathon hi Brig. Digvijay Singh, SM, Commander, 23 Sector AR leh Col.Rajesh Kumar Nayak, Commandant, Aizawl Battalion ten an telpui a. Assam Rifles sipai rank hrang hrang te leh thalai rual mi 250 vel lai an tlan a. A titha mi 10 hnenah Minister chuan chawimawina Medal leh Certificate a hlan a ni.

Swarnim Vijay Varsh lawmna hi India ram pumah 16th December, 2020 leh 16th December, 2021 chhunga kalpui tur a ni a. Aizawl ah chuan a bul tan nan September ni 13, 2021 khan Assam Rifles ten thingtiak phun runpui programme an buatsaih chu Pu T.J.Lalnuntluanga Minister of State for Environment , Forest & Climate Change in a hmanpui a. Hemi ni hian Assam Rifles hotu lian te leh sipai rank hrang hrang te bakah Ex-servicemen leh school naupang ten thingtiak 150 vel an phun a ni.