Vawiin khan Soil & Water Conservation Sub-ordinate Service Association (SWCSSA) chuan anmahni Conference Hall-ah General Conference vawi 3-na an hmang a, Parliamentary Secretary Pu Lal Thanzara’n a hmanpui a ni.

Pu Lal Thanzara chuan Soil & Water Conservation Department chu sorkar hmalakna NLUP-ah a hming atang ringawt pawhin a bulpui ber a ni tiin NLUP Trade - coffee, rubber leh hmunphiah - thalngtu chhungkua 5401 hnenah 2nd installment thlenga Cheng vaibelchhe 10 chuang pechhuaktu department an nih chu a lawmthu a sawi. Leitha leh tuitha neih zel theih nan zirna school lamahte pawh inzirtir uar a tul a ni, a ti a. Department hmalakna hrang hrang atana thawktu indaihlohna emaw sum indaihlohna emaw chhuanlama kal tlangpui theih loh thin te pawh a tul anga bawhzui a nih tur thu Pu Lal Thanzara chuan a sawi bawk.