1925/2023-2024

Aizawl, 18.09.2023: Social Welfare & Tribal Affairs Department Mnister Er. Lalrinawma chuan vawiin khan a pisa ah Mizoram pumpuia naupang kum 6 hnuailamte’n kawng engkim a hma an sawn theih nan ECCE (Early Childhood Care and Education) curriculum thar ‘Thiam bul tanna bu’ a tlangzarh. Poshan bhi padhai bhi chungchang inhrilhhriatna hun hmang ni bawkin, Poshan Mizoram Youtube channel kaltlangin he programme hi Mizroam hmun hrang hrang atangin Women & Child Development thawktute - district, project leh Anganwadi Centre a thawkte’n an chhim a ni.

SW&TA Minister chuan naupan tetlaia thil hriat hi a nghet in, puitlin thleng pawha kan hriat loh laia kan nun kaihruaitu a nih avangin naupan tetlaia zirtirna hi ngaihpawimawh a tul thu a sawi a. Rastriya POSHAN Maah 2023 hman mekah ‘Suposhit Bharat, Sakshar Bharat, Sashakt Bharat’ (Well-Nourish India, Literate India, Strong India)/ (India ram hrisel, lehkha thiam ram, ram chak) tih thupui hmanga hmalakna hrang hrang neih mek zingah vawiina Poshan bhi padhai bhi chungchang inhrilhhriatna leh ‘Thiam bul tanna bu’ tlangzarh hun hman a ni thei chu lawmawm a ti a. Minister chuan tuna curriculum kalpui mek chu kum 2014 atanga hman tan niin, kan hmanna a lo rei tawh avang te, khawvel danglam zelah siamrem ngai a awm ve zel avang leh, NEP a lo pian tak avangin, curriculum thar SCERT leh School Education Department-te nen a thawhhona a zarah, ‘Thiam Bul Tanna Bu’ tia hming phuahin revised (Siamthat) a lo nih tak thu a sawi a ni.

Minister Er. Lalrinawma chuan Department of Women & Child kan nih angin naupang hmasawnna, naupang than lenna (Child Development) chu kan Department hmalakna pawimawh berte zinga mi a ni, a ti a. Anganwadi Centre 2244-ah te, Block/Project 27-ah CDPO leh CO-te vilna hnuaiah leh, District tinah DPO-te kaihhruainain ngawrh tak a kalpui a nih thu sawiin, thawktute chungah lawmthu sawi chungin theihtawp chhuah zel turin a chah bawk.

Kum tin September thlaa hman thin Rashtriya POSHAN Maah chu a tum ruk nan tunah hian hman mek a ni a. Ram hmasawna’n leh mimal tin lo hrisel zelna atana buatsaih thin a ni. Kumin POSHAN Maah thupui (India ram hrisel, lehkha thiam ram, ram chak) tih hmang hian Theme hrang hrang thensawm a ni leh a. Chungte chu heng: -

1. Exclusive Breastfeed & Complementary Feeding (Nau hnute pek dan dik leh hrisel)
2. Swasth Balak Spradha (Naupang hrisel zawn chhuah)
3. Poshan Bhi Padhai Bhi (Hriselna leh Zirna/ECCE)
4. Improving Nutrition through Mission LIFE
5. Meri Mati Mera Desh (Ka leilung, ka ram)
6. Tribal Focus Nutrition Sensitisation. (Kan thar chhuah leh kan chin than ei leh in hrisel)
7. Test, Treat Talk Anaemia – te kalpui a ni dawn.

Heng Theme hmang hian Activity hrang hrang buatsaih a ni a, chungte chu heng –

1. Home Visit
2. Exclusive Breastfeeding & Complementary Feeding Camps
3. Food Resource Mapping (Kan khawtlang, kan khua a thlai chin dan leh that duhna map siam)
4. Swasth Balak Spradha (Naupang buk chhuah run pui)
5. Anaemia Test, Treat leh Talk (Anaemia Test leh enkawl chungchang)
6. ECCE Curriculum thar tlangzarhna hun.
7. Promotion of Learning Corners in Anganwadi Centres
8. Food Fair
9. Rainwater Harvesting chungchang leh
10. Awareness Campaign hrang hrang duan a ni.

Vawiin Minister pisa a programme hmanah hian Women & Child Development Directorate atangin leh School Education Dept. SCERT leh department dang aiawhte an tel a ni.