1898/2024-2025

4th September, 2024 : Social Welfare, Tribal Affairs, Women & Child Development Department, Government of Mizoram chuan Notification vide No. B.1202/1/2024-SWD dated 3^rd September, 2024 siamin, Ruangphurh Chungchanga Inkaihhruaina ( Guidelines on Assistance for Transportation of Bodies of Deceased Persons within Mizoram) chu a hnuaia mi ang hian thuchhuah a siam :

RUANGPHURH CHUNGCHANGA INKAIHHRUAINA

(Guidelines on Ruang phurh)

1. Ruang phurhna motor hman man dilna chungchangah Directorate of Social Welfare & Tribal Affairs, Govt. of Mizoram chu implementing Agency a ni ang.

2. Ruang phurhna lirthei hman man hi ruang phurh tanna hmun leh ruang dahna khaw inkara Motor hman man a ni ang a. Ruang phurh tanna leh a dahna hmun inkar hi 20km aiin a hnai tur a ni lo.

3. Ruang phurhna hian lirthei 1 (pakhat) a huam ang.

4. He dan hian ruang phurhna motor (lirthei) hman hawh (hire) man chauh a huam ang.

5. Ruang phurhna motor hman man diltuten thla khat chhungin dilna chu (application form siamsa angin) Director, Social Welfare &Tibal Affairs hnenah emaw, an District chhunga District Social Welfare hnenah emaw an thehluh tur a ni a, an motor hman man chu Sawrkar – in rate a siam angin a rul let ang.

6. Application form hi Department website socialwelfare.mizoram.gov.in ah download theih a ni a, Directorate of Social Welfare & Tribal Affairs, Chaltlang ah emaw, District tin Deputy Commissioner Office leh District Social Welfare Office hrang hrangah te a lak theih bawk a ni.

7. Ruang phurh man hi State Transport Authority, Govt. of Mizoram Notification No.F.20016/1/2019-DTE(STA)/118-119 Dated Aizawl, the 9th July, 2019 revised hiring rate of Cab under rent-A-Cab scheme 1989 hnuaia rate siam a hnuaia mi ang hi hman tur a ni. Amaherawhchu, he dan-in a sawi vehicle hrang hrangah hian 17 lakhs & above hi a huam lo ang.

8. Ruang phurhna hlat zawng chhut nan ruang chhuahna atanga a dahna hmun khaw kar hlat zawng (actual distance) lak a ni ang. Motor thlen lohna khua a nih chuan motor thlen theih tawpna thleng a ni ang a; Ruang phurhna kawng hi a tawi thei ber (shortest route) hman tur a ni ang.

9. Diltu ten heng a hnuaia lehkha te hi an dilna-ah chuan an thil tel ngei tur a ni-

1. Report Form kim taka fill up tur a ni. (Annexure-I)
2. Damdawiina thi a nih chuan Death Certificate pangngai emaw, a thihna hmun Damdawiin-a Doctor in a thi a ni tih a ziahna (declaration of death by the Medical Officer).
3. Damdawiin-a thi a nih loh chuan Dilna form - a sawi lan angin declaration (Ruangphurh form -a Authorised Officials hnuaia (ii) &iii) thil tel tur a ni.
4. Motor hmanna receipt original copy.
5. Mitthi Aadhaar card emaw Voter ID emaw a photocopy. Kum tlinglo tan nu leh pa (emaw next of kin) Adhaar/ Voter ID thil tel tur a ni. 

• Document kim lo chu pawm a ni lovang.

10. Ruang phurhna motor hman man dilnaah Report Form (Annexure-I) thil tel tur a ni a, Report form hi kimchang taka dah khah a nih hnuah Medical Officer/ Village Council President/ Local Council President/ Branch YMA/YLA/YCA/MTP President te hnen atangin hriatpuina lak tur a ni. Chumi hnuah bialtu District Social Welfare Officer/Deputy Commissioner ten an verify ang. District Social Welfare Officer-in Director, Social Welfare & Tribal Affairs hnenah a thehlut leh ang.

11. Thu inchuh a awm chuan Secretary, SWTA & WCD Department in thutawp a siam ang.

A hnuaia Document file-ah hian Ruang Phurh Report Form leh Ruang Phurh Na Man Bill Chungchanga Hriat tulte download theihin a awm e.

Ruangphurh Guidelines Notification & Ruang Phurh Report Form.pdf

Ruang Phurh Na Man Bill Chungchanga Hriat tulte.pdf