Pu H. Lianzela Addl D.C/Nodal Officer, DM&AR,  Mamit-in thuchhuah a siam angin tunlai thlipui tleh/ruahsur leh leimin  hunlai a ni  a. Thlipui, Ruahsur leh leimin laka mipuite kan him zawkna tana kan tih tur leh tih loh turah heng a hnuaia mi ang hian hriattirna a chhuah: 

TIH TURTE (DOS) : 

1.     Thlipui a tleh dawn a ni tih i hriat atangin, i theih ang tawkin ngai chang la,hei hian rikrum thilah nasa takin chet lak dan turah a pui ang che.

2.    Tuidawn tha tak nei ngei ang che.

3.    Tuihawk luankawr tha tak siam rawh.

4.    I in bul velah tuiluankawr/side-drain tha lo emaw, bawlhlawhin a hnawh emaw a awm anih chuan ngaihthah suh ang che.

5.    I in chhung tukverh leh kawngkhar nget lo lai siam tha ang che.

6.    I in bula thingtang ro tla mai thei te thian fai la, thli tlehin a chhem len theih ang chi reng reng nghet takin tawn ang che.

7.    Building tha lo leh chak tawk lote a awm a nih chuan tih chhiat mai pawh a tul mai theih avangin Village Level Disaster Management Committee (VLDMC) kaltlangin District Disaster Management Authority (DDMA) ah thlen ang che.

8.    I thu hriat te chu a theih ang angin midang hrilh chhawng ve ang che.

9.    I awmna hmun leh chhehvelah thlipui lo thleng mai tur thupuan i hria a nih pawn, chiai mai lovin i hnathawh turte tha takin thawk la, PA System/Radio/Television-a warning an puan te tha taka ngaihthlak chhunzawmin, tih tur tul puan dan ang chiahin chet i la dawn nia.

10.    Kawngkhar leh tukverh te tha takin kalh la, tukverh darthlalang te chu thingpheka i tuam thei lo a nih pawh-in, darthlalang keh them leng darh tur dan nan parda tha takin zar la, kawngkhar frame-ah kilh hnan ang che.

11.    Thimthamah i hman tur eng thei chi, Laltin, Torchlight, etc te nei ngei ang che.

12.    Lirthei i khalh a nih pawhin fimkhur la, thing, electric ban, etc nangmah delh mai thei turte uluk takin en thlithlai hmasa ang che. 

TIH LOH TURTE (DON’TS) 

1.    Titi lengvak vel mai maiah innghat lo la,Sawrkar/DDMA/VLDMC/VC/YMA thuchhuak chauh ngaichang ang che.

2.    Thu belchian dawl lo chu sawi chhawng suh.

3.    Thlipui thleh lai in Electric Swich te on suh.

4.    Leikhi leh hmun him lo-a in sak ai chuan sak loh ngam a finthlak zawk.

5.    Hmun him tawm hul lailawkna tur atana ruahman a awm a nih chuan, thuneitute ngaichang la, mahni in lam pan nan a him tawk a ni tih thupek a awm hma chu hmun dangah kal suh.

6.    Electrict hrui chat leh tla te hnaih suh.

7.    Electrict ban leh hrui bul hnaiah thlai/thei leh thing a tibuai  thei zuah lo hram ang che.

8.    Fur laiin leimin mai theihna hmun-ah in hmun lai lo hram ang   che.