Nimin Ni.28.4.2016 khan Tawipui South Minpui veng atang a PHC panna kawng metre 207 a thui chu Pu S.Laldingliana, Vice Chairman, High Powered Committee, Lunglei chuan a hawng.

Hemi pual a inkhawm tawi neih Tawipui 'S' VC Conference Hall a neihah Pu S.Laldingliana chuan thu sawiin a bial chhung ah khawtlang leh chhungkaw tam tak hmasawnna hmuh tur a awm chu lawmawm a tih thu a sawi a, hmasawnna lian zawk a awm zel theih nan pawl hrang hrang te lungrual tak a thawh ho a pawiawm thu a sawi. Pu S.Laldingliana chuan sawrkar in sum in daih lohna nasa tak a neih thin avang in sawrkar sum ringot rinchhan lova a tul hunah chuan khawtlang mipuite inlungrualna leh insenso ngamna pawh hmasawnna tur chuan a tul thin a ni ati. Tawipui 'S' ah Police Beat Post dah anih theih nan theihtawp a hmalak mek a nih thu a sawi a, Tawipui 'S' MHIP Building bul lungrem chim siamthat nan cheng nuai khat ngaihtuahsak a tum thu a sawi bawk.

HPC Vice Chairman hi Lunglei BDO Dr. Malsawmtluanga Fanchun leh HPC member thenkhat ten an tawiawm ani.