“Ralven Buk” tawngtaina in Lengpui Airport a sakna tur lungphum chu vawiin khan Parliamentary Secretary Pu Lal Thanzara’n a phum.

Lungphum phumna inkhawmah hian Pu Lal Thanzara chuan thlarau mi te punkhawm na a sawm ani ve chu lawmawm a tih thu sawiin,ramdang airport changkang zawkah te tawngtaina hmun a awm thin tih sawiin Mizoram kristian ramah a awm ve tur chu lawmawm a tih thu a sawi bawk. Thlarau mi te chu ram hruaitu te tan a tawngtaina thlah loh turin a ngen bawk.

He Ralven Buk lungphum phumna inkhawm hi Dr. P.C.Biaksiama’n kaihhruaiin, Major Thanhranga’n Bible chhiar a tawngtaiin Pathian hnenah a hlan a ni. He hun hi tawngtai rualna nei a tih tawp a ni a. Lengpui Airport chhunga Kross an lo phun tawh chu an tlawh nghal a ni.