3066/2023-2024

Aizawl the 15th December, 2023 : Taxation Minister Dr. Vanlalthlana chuan vawiin khan Taxation Department hotute kawmna neiin, inhmelhriatna hun a Pisa-ah an hmang. He inhmuhkhawm hi Pu H. Lianzela, Secretary, Taxation Department-in kaihruaiin, Taxation Department hi Mizoram Sorkar tan sum laluttu lian ber anih thu a sawi a. Taxation Minister kaihhruaina hnuaiah Department officer-te nen thawhona tha tak neih a beisei thu a sawi. Hemi hunah hian Taxation Department hnathawh thlir hona leh hmalak zui dan tur sawiho a ni.

Taxation Minister chuan Taxation Department chu Mizoram sorkar tana sum hailuttu lian ber Department anih thu sawiin, tuna Mizoram Sorkar-in sum harsatna a tawh mek pawh ti ziaawm thei turin tan an lak a ngai tih a sawi a. Hei hi a hlawhtlin theihna tur chuan mizo mipuiten chhiah chungchang hi an hriatthiam a pawimawh thu a sawi a. Chhiah hi mipuite pek khawm, sumdawngten sorkara an chhun ve leh chhawn anihna lai hi miputen an hriat a, chu sum tlingkhawm bawk chu mipuite leh ram hmasawnna atana hman leh thin anih thu hi mipuiten hrethiam se a duh thu a sawi a. Department hotute pawh mipuite hnena chhiah pawimawhna sawi tam turin a chah a ni.

He Meeting ah hian Pu HK Lalhawngliana, Addl. Commissioner of State Tax in presentation pe in, tun dinhmuna Department inrelbawl dan leh chhiah an khawn dan kalhmang chi hrang hrang a tarlang a. Department hi Zone 15 ah then niin, District tinah Zonal Office an awm a, Aizawl District bikah hian Zone 4 a awm thung. Chung Zonal office hrang hrangte chu Commissioner of State Tax kaihhruaina hnuaiah an awm ani.

Kum 2022-23 chhung Department hian Mizoram Sorkar tan Rs. Vaibelchhia 1020.66 a khawn a. Tun kum kal mek 2023-24 chhung hian November thla thleng khan Rs. Vaibelchhia 734.60 a lakhawm tawh a ni. Taxation Department hian kum 2020-21 chhung khan State’s Own Tax Revenue-a a contribution chu 90.68% a ni.