Vawiin chawhnu khan Champhai Bawrhsap leh District Disaster Management Authority Chairman ni bawk Dr. Naveen Aggarwal chuan  vanduaithlak tak maia a feh kal haw Tek tlain a den hlum Pi Laldintluangi, Dilkawn ralna sum cheng nuai 4 cheque chu a pasal Pu Lalramnghinga hnenah a hlan. Ralna sum hi State Disaster Relief Fund (SDRF) kaltlanga pek a ni.

He hun Bawrsap Pisa-a hmanah hian Dr. Naveen Aggarwal chuan vanduaina tawk chhungte thinlung taka a tawrhpui thu sawiin, thihna vanga inthenna chu thil lungchhiat tak, a tuartu tan chuan paltlang harsa tak a ni, a ti a. Sawrkar chuan he vanduaina thleng hi pawi a ti a, a tawrhpui zia lantir nan dan beh chhan ang zela kalchungin ralna sum a hlan ta a ni, a ti a. Ralna sum chuan mamawh zawng zawng phuhru zo lo mahse thinglung taka sawrkarin a tawrhpui zia lantirna anih thu a sawi a. Vanduaina tawk chhungkua chu  rilruah a hriatreng thu sawiin, an  kalzelna turah duhsakna a hlan a ni.

Vanduaina tawk chhungte aiawhin Pi Laldintluangi pasal Pu Lalramnghinga’n thusawiin, Sawrkar leh thenrual tha buaipuitute chungah lawmthu a sawi a ni.

July Ni 17, 2019, tlai lam dar 4:20 vel khan Pi Laldintluangi, Kum 33 W/o Pu Lalramnghinga te feh haw chu Tek tlain a deng a. Vanduaithlak takin a hmunah Pi Laldintluangi hi boralin a pasal leh fate 4 a kalsan a ni.