1135/2023-2024

Aizawl, the 14th July 2023 : Telecom Regulatory Authority of India (TRAI) Regional Office Kolkata chuan nimin khan Aijal Club ah inbiakpawhna leh a service kaihhnawih hmangtu mipuite tinzawmin TRAI in telecom service consumer-te dikna leh chanvo kawng hranga an humhim dante leh hemi chungchanga hmalakna hrang hrang an nei te puanzarna leh inhrilhzauna Consumer Outreach Programme an buatsaih.

Khuallian nia hun hmanpuitu Pu Ajay Kumar Negi Dy. Director General, Department of Telecommunications, Mizoram, NE LSA chuan tunlaia inbiakpawhna lama hmasawnna hrang hrang awm mekah TRAI chuan mawhpurhna leh dinhmun sang tak a nei thu a sawi. Hun hmanpuitu dang Dr. Lalthlamuana Khawlhring, CIO, ICT chuan inbiakpawhna a bik takin tunhnaia 5G services Mizorama tan a nih theih Mizoram Sawrkar hmalak dante a sawi a. Pu Lalhma Chhuana, Director, Department of Telecom Mizoram chuan telecom tower atanga radiation chhuak mihring tana a pawi tia sawi leh thehdarh chungchang sawiin a hlauhawmlo dante te a sawifiah a ni.

Hun kaihruaitu Pu Amit Ghosal, Joint Advisor, Regional Office, Kolkata chuan TRAI hnathawh tlangpui te a tarlangin, he programme hi telecom service hmangtuten an dikna an chanvo an hriatzaua an hriatzel theihna atan neih a nih thu a sawi. Mr. Debjit Saha, Senior Research Officer, TRAI Regional Office in TRAI in consumer te dikna leh chanvo humhim nana hmalakna an neih te a sawi a. Programme tawp lamah zawhna leh chhana hun te hman a ni.

Programme ah hian telcom consumer te bakah zirlai naupangte leh IT leh telecom lamah thawk DoT leh Department dangte an te an tel a ni.