Pu Lal Thanzara, I & PR Minister chuan vawiin khan MHIP Electric Veng Branch buatsaih Electric Veng Telephone Directory a tlangzarh. Tlangzarh inkhawm hi Electric Veng YMA Hall ah neih a niin, Pi Lalnuntluangi, President Electric Veng MHIP in a kaihruai a ni.

Pu Lal Thanzara chuan vengpawn leh vengchhung ami ten tangkai taka Directory an chhawr theih nan duhsakna a hlan a. Aizawl khawpui hi a lo lian zel a, mihring, pawl leh damdawiin hrang hrangte a lo pung zel bawk a, inbiakpawh zung zungna tur Directory buatsaih hi a lawm a tih thu sawiin Minister chuan Electric Veng MHIP taimakna te a fak a ni. Electric Veng mipuite hi an lungruala vengchhung hmasawnna an neih thin hi veng mipuite tawiawmna a zara neih thin a ni a ti. Minister hian Directory siamna a senso phuhruk nan Rs. 50,000 cheque a hlan a ni.

Vengchhung Directory hi Electric Veng MHIP ten an tum sarih (7) buatsaihna niin an vengchhung Phone Number bakah General Information hrang hrang a chuang a ni.