Power & Electricity Department chuan a hnuai ami ang hian thuchhuah a siam :
Mizoram-ah tunlaiin kawlphetha (Power) indailohna a nasa hle, Mizoram-in Central Power Projects hrang hrang a dawn tur 73.48 MW anih laiin 45MW vel chauh a dawng a, hei hi thaltui tlem vang a ni. Central Electricity Authority (CEA) in ziaka a tarlan danin India rampuma Power indaihlohna 12295 MW a ni mek a, hmarchhak State zingah Mizoram chu Power dinhmun tha ber zinga mi a ni. Serlui ‘B' SHP atanga Power hman mek nimahse, Forest Clearance la tih fel loh anih avangin Commission theih a la ni lo. 22.92MW Bairabi Thermal Plant nasa taka a chhiat avangin hman theih a la ni hrih lo.
Sum leina awm pawh ni se Power duh zat leitur a awm lo. Power & Electricity Department pawhin Indian Energy Exchange (IEX), etc., atang te in lei tur a dap reng a, mahse lei tur a awm lo. Power & Electricity Department chuan Mizoram-a Power hmangtu zawng zawngte hetiang dinhmun hi hrethiam turin a ngen a ni.
