Vawiin chawhma khan “Strengthening of Services Delivery under Mizoram Right to Public Services Act, 2015” chungchanga Project Implementation Committee ten Administrative Training Institute, Director pisaah thutkhawmna hun an hmanga, Pi Lalzarmawii, IAS, Director ATI in kaihruaiin Pu David L Thangliana, Director I&PR, Pu Lalrohlua, Nodal Officer DP&AR, Pu PC Ralliana, Deputy Director, ATI, Pu K.Lalkroschhuanga, Assistant Director, ATI, Pu C Lalrinfela, Assistant Analyst, MSeGS leh Pu Zothanzauva, Informatics Officer, ICT te an tel a ni.

Pi Lalzarmawii, IAS, ATI Director chuan,”The Mizoram Right To Public Services Act, 2015 hi mipuite chanvo humhalhna dan pawimawh tak a nih angin chiang taka mipuite leh Sawrkar hnathawkte hnenah he dan hnuaia an mawhphurna inhrilhhriat leh inzirtirna kalpui hi a pawimawh hle a ni” a ti a, he dan tih changtlunna tura hmalakna kal mekte chu chak zawk a kalpui ni thei se a duh thu a sawi bawk.

He thutkhawmnaah hian member ten “The Mizoram Right to Public Services Act, 2015” tih changtlunna tura an hmalakna hrang hrang kal mekte tar lanna hun an hmang a, he dan hi awlsam zawka mipuiten an hman theihna tura “Online portal for Service Delivery” pawh peih fel anih tep thu tar lan a ni bawk.

“The Mizoram Right to Public Services Act, 2015,” in a tum ber chu sawrkar in mipuite hnena "service" a pek chhuah thin te hunbi tiam chhunga a diltu hnena pek chhuah zat zat hi a ni a. He dan hnuaia "service" dah/sengluh tawh hi tun dinhmun ah 46 a awm meka "service" hrang hrang sengluh belh zel tum a ni. The Mizoram Right to Public Services Act, 2015 hnuaia "service" dah/sengluh tawhte hi a diltu mipuite'n hunbi tiam chhung ngeia hmuh ngei hi an dikna chanvo a ni a, hun tiam chhunga service an dawnglo anih chuan lungawilohna thlen theih niin a mawhphurtu Sawrkar hnathawk chu hremna pek theih a ni.