Mizoramah RTI Act hman a nih atangin chhawr tangkai an tam tawh hle a, Kum 2015- 2016 chhungin RTI hmanga zawhna 2136 lai thehluh a ni tih October ni 7 a Thenzawla RTI Workshop neihah Pu Jim K. Chozah, Director, I&PR chuan a sawi.   

RTI Workshop hi Thenzawl YMA Hall ah neih a ni a. He huna thusawitu Pu Jim K. Chozah chuan Mizorama RTI dan kan hman hian ramchhung inrelbawlna ah kawng tam takin rah tha a chhuah tawh a. Mipui lam pawhin a hlutna kan hre ta hle a ni, a ti a. Tun aia tangkai lehzuala kan hman zel theih nan sawrkarin mipui dawmkan nana scheme a neihte leh department hmachhawpte pawh kan belhchian a tul a ni a ti a ni

Thenzawla RTI Workshop hi Pi Lalnunmawii, SDO Civil in a kaihruai a. Pi Lallianpuii, Deputy Director, I&PR chuan key note address a pe a ni.

Thenzawl mipui ten zawhna thahnem tak an zawh zingah mipui ten RTI hmanga zawhna an zawh duhte chu Department mi zawhna lo dawngsawng tur SPIO emaw SAPIO emaw an awmloh avanga khaw hrana kal a ngaih thin avanga buaithlak an tih thin thu an lo thlen a ni.