No.2787/2020-2021
Dated Serchhip, the 6th July, 2020: Serchhip District Bawrhsap Pu Kumar Abhishek, IAS, Chairman, District Disaster Management Authority chuan ni 29.6.2020 a Lawngtlai District mi pahnih, Thenzawla chhun thingpui ina chawl leh eitur leia ding khawmuang te chu, a hnuah Covid19 positive an ni tih hmuhchhuah an nih leh tak si avangin. Thenzawl bik tan vawiin 06.07.2020 atanga ni 13.07.2020 (24:00 hrs of 13.07.2020) zanlai inkar thleng TOTAL LOCKDOWN a puang.
Bawrhsap thuchhuak chuan Total lockdown chu heng thil an leina dawr nghaktuteah an lo kaichhawn palh theih vang te, contact tracing chak leh rang taka kalpui anih theih nante, mipui zinga inkaidarh (community transmission) a awm loh nan te a tul tih sawiin, section 34 of Disaster Management Act, 2005 leh regulation 11(1) of The Mizoram Epidemic Diseases (COVID19) regulation, 2020 in thuneihna a pek anga puang a nih thu a sawi a ni.
He Total Lockdown kal pui dan tur dan pawimawh hetiang hian a siam nghal a ni.
1. Phalna nei lovin tuman an chenna in an chhuahsan tur a ni lo.
2. Sumdawnna hmun leh dawr zawng zawng khar vek tur a ni.
3. Thenzawl town chhungah lirthei eng chi mah chhuahvah phal a ni lo.
4. Thenzawl paltlang tur lirthei te chu chawl khawmuang lovin an tlan tlang thei ang.
5. State Government order No. B. 13021/101/2020 - DMR/ Pt-III dt 30.6.2020 in phalna a pek te chuan hna an thawk thei (continue to function) ang.
6. Executive magistrate, Health, Police, Fire & Emergency Services, sawrkar official leh VLTF duty lai, media mi leh bawnghnute sem leh Thenzawl SDO in phalna a pekte chu he thupek hian a huam lovang.
