2437/2024-2025
Dated Kolasib the 9th October 2024: Kolasib SP Pu David H Lalthangliana chuan Mizoram State sawrkar Notification No. B. 12021/10/2004-TRP dt.01.02.2020 leh Section 115 of Motor Vehicle Act 1988 (Act No. 59 of 1988)-in thuneihna a pek angin a hnuai a mi ang hian thupek a chhuah.
Sethawn RTP Workshop leh Kawnpui Quarry inkar kawng chhia avanga School naupang ten School kal lam leh haw lama harsatna an tawh te a ziaawm theih nan leh chak leh zuala kawng siam hna te thawh a nih theih nan Thingdawl leh Kawnpui inkar kawng (National Highway) ah zing dar 08:00 AM atanga 09:00 AM leh tlai dar 03:00 PM atanga dar 05:00 PM inkar ah HMV (motor ke paruk nei chin leh a chunglam) tlan tlang phal ni lo.
Hemi hunchhung hian Aizawl lam pan HMV te chu Thingdawl leh Kolasib inkar kawngpui sir ah leh Silchar lam pan HMV te chu Kawnpui dai leh tlang kawng inkar zau lai ah te, motor veivak ti buai si lova kawng khar hunchhung a chawl hrih tura hriattir an ni.
He thupek hi vawiin 09th Oct 2024 atanga hman tan tur a ni a, thu leh awm hma chu zawm tur a ni.
He thupek zawm lo chu 177 & 179 MV Act hmanga hrem an ni ang. He thupek hian tul bik thila Police, Fire Dept., Ambulance leh Magistrate-te chet velna a huam lo ang.
He thuchhuah chungchanga harsatna tawk emaw report neite chuan OC Kolasib PS (7085130812), OC Kawnpui PS (9233966362) emaw IC Traffic Cell (9862306914) ah te biak theih reng a ni.
