Rural Development Department chuan BADP hnuaia Thingsaia Police Quarters sak chungchang sawifiahna leh thil awmze dik tak chiang zawka mipui ten an hriat theih nan a hnuai ami ang hian thuchhuah an siam. Hetiang hi thil awmdan a ni e tiin a tarlang.

1. BADP scheme hnuaia Thingsai khua (Hnahthial R.D. Block) ah ‘Construction of Police Check Gate and Police Quarters (Type-II)’ sak nan Rs. 10.00 lakh ruahman a ni a. He hna hi kum hnih (2) chhunga sak zawh tura ruahman a ni a, 2012-2013 ah Rs. 6.00 lakh leh 2013-2014 ah Rs. 4.00 lakh.

2013-2014 a tana BADP sum ruahman zat Rs. 4.00 lakh a tang hian 70% i.e. Rs. 2.80 lakh chu BDO hnenah released tawh a ni a. Nimahsela hna thawh chhunzawm a la ni lo. He mi awmzia chu he hna bik atana 2013-2014 pawisa hi la kawl that a ni a. Hnathawh na tura hman tawh zawng zawng hi chu 2012-2013 atan sum ruahman Rs. 6.00 lakh atang in a ni rih a ni.

He hna hi ‘Police Quarters’ chauh ni lovin ‘Police Quarters leh ‘Police Check Gate’ inkawp a ni a, tarlan tawh angin tha taka sa zo tura hmalak mek a ni.

2. He Police Check Gate leh Police Quarters sak nana fund sanctioned Rs. 6.00 lakh chu hman zawh tawh a ni a, 2013-2014 atana fund ruahman Rs.4.00 lakh hmanga la thawh chhunzawm tur a nih angin tunah hian chhunzawm tum mek a ni.

3. Hetih mek lai hian he hna an thawh chin hrim hrim hi a tha tawk lo tih hriat a nih avangin Hnahthial BDO chu rang taka hma la turin dt. 4.7.2014 khan hriattir a ni a, BDO hian J.E. tirin, J.E. leh complaint thehluttu ten 9.7.2014 ah he hna hi an endik a, hna thawh tur chin thenkhat thawh tawh ni mahse, duhthu samlo lai leh chul mama tih that leh ngai te titha turin hnathawktu Work Supervisor pawh hriattir nghal a ni. Tunah hian a thawm that hna an thawk mek a ni.

4. Tuna thawh zawh tawh slab chung lamah hian quarters Type-II chu sak tur a ni a, 2013-2014 fund Rs. 4.00 lakh hmangin tha taka sakzawh tum a ni.