No.2242/2021-2022
Aizawl the 16th, Sept' 2021: Vawiin khan Association for Voluntary Blood Donation (AVBD) chuan HYVE Hall, Aizawlah thisen petute chawimawina hun an buatsaih a. Health & Family Welfare Minister Dr R.Lalthangliana chu khuallian a ni.
Dr R.Lalthangliana chuan mihring dam chhung tawi teah hian lainatna, khawngaihna leh hmangaihnaa mahni mihringpuite rawng kan bawlsak tluka pawimawh a awm lo, a ti a. Ringtu kan nihna atanga kan mihringpuite hmangaihna kan lanchhuahtirna kawng pawimawh leh ropui tak chu a thlawna mamawhtute hnena thisen pek hi a ni, a ti. COVID hripuiin Mizoram a nuai avangin nikum lam atangin a thlawna thisen pek a tlahniam a, AVBD ten theihtawp chhuaha tan lain kohhran leh pawl te an rawn pen chhuak a, mualpho lutuk lovin kan kal theih phah, Health Minister chuan a ti a. ABVD te hmalaknaah leh tlawmngaia thisen petute zawng zawng chungah Health Minister a nihna angin Dr R.Lalthangliana chuan lawmthu a sawi a ni.
Secretary report atanga a lan danin kum 2020-2021 chhungin thisen unit 26704 blood bank hrang hrangah pek a ni a. Heta tang hian unit 23949 (89.68%) chu a thlawnin voluntary donor ten an pe a ni. Pawl hrang hrangte pek zat belhkhawm hi unit 18200 a ni a, mimalin unit 8504 (31.85%) an pe thung. Kum 1993 khan Voluntary Blood Donation (a thlawna mahni insengso va, a petu leh a dawngtu pawh in hre tawn lova thisen pek) chu 1.79% chauh a ni a, kum 2020-2021-ah chuan 89.68 % a tling tawh a ni.
Voluntary Blood Donation-ah hian Mizoram chu State leh UT zingah a titha ber pawl a ni chho reng a. Hmeichhia te thisen pek (contribution) a sang em em a. India rampumah hmeichhia te pek hi 5% a nih laiin Mizoramah erawh chuan 30 % a tling pha niin Pu C.Lalnunnema, AVBD President chuan a sawi.
Vawiin programme-ah hian Aizawl Civil Hospital, ZMC leh Synod Hopital blood bank a thisen petute hnenah chawimawina hlan a ni a. Rampum huapa titha thlanchhuahte hnenah certificate hlan a ni bawk. Lawmman dawngtute chu:-
VOLUNTARY BLOOD DONATION AWARD 2020-21 DAWNGTUTE
[Aizawl district (Civil Hosopital, Synod Hospital leh ZMC-a pete bik a ni]
Pos. | EDUCATIONAL INSTITUTION (COLLEGE) | M | F | TT | CAMP |
1. | NSS Unit, Pachhunga University College | 291 | 73 | 364 | 7 |
2. | NSS Unit, Hrangbana College | 153 | 37 | 190 | 6 |
3. | NSS Unit, Aizawl North College | 65 | 11 | 76 | 3 |
| EDUCATIONAL INSTITUTION (HSS) | M | F | T | CAMP |
1. | NSS Unit, Synod HSS | 94 | 27 | 121 | 4 |
2. | NSS Unit, KM HSS | 33 | 22 | 55 | 3 |
3. | NSS Unit, Central HSS | 25 | 12 | 37 | 3 |
| RELIGIOUS GROUP | M | F | T | CAMP |
1. | Central Kristian Thalai Pawl | 2,077 | 428 | 2,515 | 71 |
2. | General PYD (UPC NEI) | 427 | 87 | 514 | 9 |
3. | General PYD (Mizoram) | 379 | 126 | 505 | 3 |
| YMA GROUP | M | F | T | CAMP |
1. | Ramhlun North Branch | 150 | 31 | 181 | 1 |
2. | Dawrpui Vengthar Branch | 127 | 23 | 150 | 1 |
3. | Bethlehem Vengthlang Branch | 125 | 21 | 146 | 3 |
| MISCELLANEOUS GROUP | M | F | T | CAMP |
1. | Mizo National Youth Front Gen.Hqrs | 146 | 20 | 166 | 1 |
2. | Liverpool FC Fans Club | 57 | 0 | 57 | 1 |
3. | Mizoram Arsenal Supporter Club | 44 | 6 | 50 | 1 |
| OVERALL AWARD | M | F | TT | CAMP |
| CENTRAL KRISTIAN THALAI PAWL | 2,734 | 749 | 3,483 | 103 |
