568/2022-2023
Aizawl the 20th May, 2022: Aizawl District Bawrhsap Dr Lalhriatzuali Ralte chuan kan hma lawka thlipui leh ruah rawn thawk thei tur anga khawchin zirturtuten an sawi avangin mipui te kan lo inrinlawk na tur leh kan himna turin a hnuaia tarlan ang hian hriattirna a ti chhuak.
Kan hma lawka fur lo thleng tur in a ken tel thlipui (Cyclone) leh ruah in
chhiatna hrang hrang a thlen thin a, hei hian mihring nunna hlu tak, bungrua leh thil dang tihchhiat a nei fo tawh thin a. Kan state thenawm te pawhin heng avang hian tuilian leh leimin nasa tak an tuar mek a ni. Tun kumah pawh hian twin cyclones, Asani leh Karim-in Northeast States te a run theih tur thu warning dawn a ni.
Mipute theih chin china fimkhur taka kan lo inven nan leh heng chhiatna thleng thei laka kan lo him zawk nan a hnuaia ‘tih tur leh tihloh tur’ te hi kan hriata kan zawm a pawimawh hle a ni.
Cyclone tleh hmaa tih turte:
i. Mahni in leh lo in thli leh ruah a dawl theih nan a tul anga thawm that ngai lai te thawm that tur a ni.
ii. Thing leh mau, thli in a len tluk mai theih, electric wire delh mai thei te chu kih/a zar thlak tur a ni.
iii. Thlipui leh ruah vanga current neiloh theih anih avangin mobile phones leh electrical appliances charge theih ang ang te chu charge full sa vek tur a ni.
iv. Ei leh in tur a theih chin chinah inlak khawl/ khawm theih a ṭha.
v. Emergency first aid kit a tul huna hman tur inrin tur a ni.
vi. Tui thianghlim khawl khawmna tha tak neih tur a ni.
vii. Building ram/hlui chhe tawh hnai vaiah awm loh tur a ni.
viii. Cyclone thleng thut thei anih avangin chanchinthar ngun taka ngaihchan tur a
ni.
ix. Tukverh leh kawngkhar nghet taka khar tur a ni.
Cyclone tleh laia tih turte:
i. Electrical appliances zawng zawng OFF vek tur ani.
ii. Lirthei motor reng reng garage ah him taka 'park'tur a ni.
iii. Mahni in leh lo chhuahsan tur ani lo a; inchhungah tawm him tur a ni a, chiai tur a nilo.
iv. Cyclone tleh lai hian motor khalhchhuah tur a nilo.
v. Tuihawk luankawr bul hnaiah kal loh tur a ni.
Khuarel sik leh sa inthlak danglamin a ken tel |ek tla (Thunderstorm & Lightning) laka kan invent nan heng a hnuaia tarlan te hi zawm tur a ni :
i. Tek tlak laiin emaw khawchhiat laiin pawnah chhuah loh tur.
ii. Pawna chhuah hmain khawchin thlithlai hmasak tur. Khua a chiaa kawl a phe anih chuan minute 30 vel tal inchhungah inkhung tur.
iii. Thingkung te, electric ban te hian |ek a hip avangin a bul hnaihah tawm loh tur.
iv. Thir lampang chi thil hman loh tur a ni a, bike te, electric tleh telephone ban te, thir fencing te leh khawl lampang chi thil reng reng lakah inthliar fihlim vat tur.
v. Tui lampang chi reng reng lakah inthiar fihlim vat tur a ni.
vi. Electric hrui emaw |ekin awlsam taka a man theih thil lakah inthiar fihlim vat tur a ni.
vii. Ramhnuaia awm mek te chuan thingkung te lampang deuh zawn a, a hnuaia tawm hul tur a ni.
viii. Hmun ualau lai deuhah hna i lo thawk a nih pawhin awm tawm nghal la, kun hniam la, i kutin i beng hup la, lei nena tlem thei ang ber intawk turin awm tur a ni.
ix. Power supply pui ber |ekin a lo man palh thulhah plug zawng zawng phawi vek tur a ni.
x. Naupang leh rante inchhungah awm tir vek tur a ni.
xi. Tui lampang leh thir lampangah te current a kal theih avangin |ek tlak lai chuan inbual loh tur a ni.
xii. Electric lampang kaihhnawih thil hman loh tur a ni.
Khuarel chhiatna alo thlen in District Emergency Operational Centre toll free number: 1077 hi engtik lai pawha biak pawh theih a ni a, engemaw vanga line tlang theilo a nih pawhin mahni bial tu Zonal Officers te hnenah chhiatna thlen thu hriattir theih a ni e.
Local/Village Level Disaster Management Committee pawh he fur lo thleng turah hian mahni veng/khaw chhung a chhiatna thleng te rang taka hmalak anih theih nan inring renga awm tur leh mipui te pawh uluk taka chah tura beisei an ni.
