State Vector Borne Diseases Control Programme (SVBDCP) chuan ni hnih chhunh awh tur Pre-Spray Meeting leh Quarterly Review Meeting vawiin atangin Directorate Conference Hall, Dinthar-ah buatsaih a ni a. He meeting-ah hian district tina Chief Medical Officer/District Medical Officer, District Vector Borne Diseases Project Officer (DVBDPO) leh VBD Technical Supervisor te an tel a ni. He meeting hi Dr. F. Lallianhlira, State Programme Officer (VBDCP) in kaihruaiin DDT hi dan ang chuan Annual Parasite Incidence 2 (API>2) aia tamah chauh kah tur a ni a, amaherawh chu mitinte kan him zawk nan Mizoram pumpui kah tum a ni. Khuallian Dr. Ramfangzauva, Director Health Services chuan Behaviour Change Communication, mipuiten hriselna kawng tha an zawh theihna tur atana inbiakpawhna hman that a pawimawh thu a sawi a. Malaria programme hi public programme anih thu te leh mipuiten an ta anga ngaia Malaria laka invenna a department hmalakna lo thlawp turin a chah bawk.

A thawh khatna atan Mizoram pumah DDT hi March 4 atanga May 3, 2013 thlenga kah leh tur a ni a. Vawiin hian Pre-Spray Meeting neih a ni a, district tin aiawhte hnen atangin DDT Spray dan tur sawiho a ni. DDT kahna ah hian Health Worker te pawimawhna sawiin thosi hlo kaptute uluk taka vilpui a tul zia tarlan a ni. Kum 2010 – 2012 chhunga DDT kah dan tlangpui chu hetiang in :

Sl.No

Kum

Rounds

Kah Zat (%)

In

Pindan

Mihring huam zat

1

2010

1st

50.14

61.85

72.84

2nd

74.73

76.40

70.19

2

2011

1st

71.21

64.24

70.61

2nd

74.31

62.54

71.79

3

2012

1st

65.92

54.22

57.28

2nd

69.42

58.29

64.33

February 13 hian Quarterly Review Meeting neih a ni ang a. Hetah hian District ten an hmasawnna an tarlang ang a, hemi behchhana hmalak zel dan tur ruahman a ni bawk ang. Kum 3 chhunga Malaria dinhmun chu a hnuaia tarlan ang hi a ni :

Sl. No

Kum

Thisen en zat

Malaria vei zat

Malaria pf zat

Thi zat

Pf %

Enkawl dam zat (%)

ABER*

API**

1

2010

329771

15495

14321

31

92.42

92.22

33.74

15.85

2

2011

213149

8861

8373

30

94.49

94.15

17.41

8.58

3

2012

168421

9883

9437

25

95.49

95.23

14.29

8.38

*ABER – Annual Blood Examination Rate (Kum khata thisen en zat)

** API – Annual Parasite Incedence  (Mihring 1000 atanga chhuta Malaria hrik awm zat)

Kum 2017 hian SVBDCP in a tum chu ABER 10% a tam neih a nih bakah API aia hnuaia pawh thlak a ni. Hemi tihlawhtling turin damlo Malaria ni a inringhlel chuan an veng/khuaa ASHA hnena a rang thei ang bera thisen a thlawna entir a pawimawh hle.

Kum 2012 a tan, Dengue programme pawh kalpui mek a ni a. Dengue nia inringhlel chu Aizawl Civl Hospital ah thisen a entir theih. Nikum khan Dengue nia rinhlelh mi 90 an awm lain Dengue natna vei hmuhchhuah chu mi 6 chauh an ni a, thihna thleng lovin heng mite hi enkawl dam vek an ni