Vawiin chawhma dar 10:00 khan Lunglei a Thuamluaia mual chu phul lem phah thlirin contractor, Great Sports infra, Hyderabad te chuan kut an thlak tan.Phullem phah hna tan hma hian Sports Parliamentary Secretary Pu.S.Laldingliana hovin Programme tanna neih ani a, Vice Chairman Pu Joseph Lalhimpuia pawhin he hun hi a hmanpui.

Parliamentary Secretary chuan Lunglei tan mai nilo Mizoram tan hmasawnna hma thar tan a ni leh chu a lawmawm thu a sawi a, thiltha kan neih hi kan duat leh humhalh thiam a tul a, he vanneihna hi mizo thalai a bikin Lunglei bial mipui te chuan chhawr tangkai thei se tih hi sawrkar duhdan a ni, a ti.Vice Chairman, HPC pawhin sawrkar hotute thalai te tan thiltha tak a buatsaih leh chu a lawmawm thu a sawi a, Thuamluaia mual hi zanlam a hman theih turin Chief Minister leh HPC Chairman ni bawk Pu Lal-Thanhawla hmalakna in Lighting system tha tawk tak a chei nghal tum a ni a ti.

Phullem phah hna hawnna Programme tan na hi CMS Dawngliana, Vice chairman, LDSC in a kaihruai a report tawi Abhijit S. Desai, Contractor te aiawh in a pe bawk. Report in a tarlan dan chuan field area 105 x 75 hi phullem in a khuhtur a ni a, ni 120 chhunga hna hi thawh zawh hman beisei a ni.